Route

Dag, Karin

Dis interesant om te hoor van nog Suid Afrikaners wat dieselfde wil doen.
Hoop julle geniet dit!

Wat kommunikasie betref
HAM:
Ek het ‘n HAM radio lisensie, maar ons het nie ‘n HAM radio aan boord nie, en ons het dit nog nooit gemis nie.

SSB:
Ons het ‘n SSB radio aan boord, maar ons het dit nog nooit gebruik nie. Ons het hom saam met die boot gekoop, en ek het hom mooi laat nasien by ‘n ou in Johannesburg, en ‘n paar mense het al na hom gekyk en my verseker dat hy werk, maar ek kon dit nog nooit regtig regkry om enigiemand met hom te kontak nie, en ek het seker ook nie so hard probeer nie, want sover ek kan agterkom is dit maar ‘n effense gesukkel, al werk dit perfek, en my emails met my satelliet foon werk vreeslik maklik, so ek het nog noit ‘n verskriklike behoefte gevoel om die SSB te laat werk nie. Dit klink vir my asof mense hulle SSBs gebruik vir email (moenie my vra presies hoe nie, maar ek weet dis baie stadig, en ‘n regte beslommernis), en om met ander seilers wat ook op die oop see is te kommunikeer in tipe van ‘nets’, wat op gereelde tye uitsaai.
Ons kry ons email (en dus ook ons weervoorspellings) oor die sat foon, en ons is nie regtig vreeslike ‘net’ mense nie. Sullke ‘Net’s is hoofsaaklik ‘n klomp Amerikaners (hulle is almal totaal gek oor hulle ‘net’s) wat info uitruil oor die kondisies waar hulle op daardie stadium is, en miskien bietjie nonsens praat.
Mens kan dieselfde info beter en in meer details kry deur eenvoudig die relevante grib-files af te laai.
‘n ‘Net’ is nie noodwendig ‘n slegte ding nie, dis net nie Ons nie.

Satelliet foon:
Dis wat ons hoofsaaklik gebruik vir kommunikasie op die oop see   (by die land gebruik ons natuurlik altyd plaaslike selfoon netwerke – jy koop eenvoudig ‘n sim kaart en sit dit in jou foon en share die internet konneksie)
Die sat foon is bietjie duur, maar ons vind dit nie onbekostigbaar nie.
Daar’s basies 2 dienste:  Irridium en Inmarsat
Irridium is duurder, en veronderstel om betroubaarder te wees.  Volgens my kommunikasie met mense wat Irridium gebruik, het hulle egter meer probleme as wat ek met Inmarsat het.

vir Inmarsat, is daar basies 2 opsies:
1.  IsatPhone (dis amper soos ‘n selfoon.  Jy koop die handset, en kry ‘n sim kaart, en koop ‘pre-paid’ eenhede wat jou ‘n sekere hoeveelheid tyd gee om te bel.  Jy kan voice calls maak, en sms’e stuur.  jou sms’e kan ook na email addresse toe gaan, en mense kan van hulle email af na jou foon toe boodskape stuur (die addres is iets soos @inmarsat.com (http://inmarsat.com), of so iets).  Dis veronderstel om internet te kan doen, maar dit werk nie eintlik nie

2.  BGAN – ek weet nie waarviir dit staan nie, maar dis Inmarsat se data-diens.  Jy kan voice calls ook daarmee maak die voordele is dat dit goedkoper is as Irridium en as die Isatphone (beide vir voice en data), en dat dit werk.  Dit werk elke keer.
Die nadeel is dat dit ‘n aparte boksie is wat jy êrens moet neersit.
Wat die aparte boksie betref, kry jy 2 tipes – die Marine een, wat op jou mas gemonteer word (en dit so belaglik duur, jy wil nie eers daaroor dink nie), en die gewone, draagbare een wat mens net veronderstel is om op land te gebruik, maar wonder bo wonder, hy werk op die see ook (al sê hulle hy gaan nie).  Ek dink hy kos omtrent $1000

Ons het ook opgeteken vir ‘n diens wat Global Marine Networks lewer (ek is seker daar is ander plekke wat dieselfde diens gee, maar ons het van hierdie plek gehoor).
Hulle het basies ‘n mail server en ‘n web-proxy server jy koop ‘n routertjie by hulle vir ‘n duisend rand of so (dink ek), en die routertjie is ge-hardcode om die internet konneksie deur die sat foon te beheer.
Ek konnekteer dan my PC aan die routertjie, en hy blokkeer alle versoeke vir iinternet kommunikasie van my PC af, behalwe as dit na GMN se mail server of hulle proxy server toe gaan (dus my pc gaan nie goed soos sy outomatiese anti virus update oor my peperduur sat foon konneksie doen nie) ek kry ‘n spesiale email adres by hulle, wat ek gebruik as ek op see is
Hulle server ontvang emails vir my, en strip alle formatting uit, sodat ek slegs test-emails aflaai, en as hulle groter as X is (wat ek kan stel) gee my ‘n keuse om dit nie af te laai nie.  (hulle gee vir jou ‘n spesiale email client wat met hulle mail server saamwerk) Vir weervoorspelling, laai ek GRIB files af deur ‘n email in ‘n spesiale formaat te stuur aan query@saildocs.com (as jy dit google, sal jy die formaat kry), en dan stuur hulle server outomaties vir my die regte GRIB file terug (verniet).  Ek maak dit dan oop met ‘n GRIB-file viewer (mens kry baie, maar ek gebruik ‘n baie ou, eenvoudige een genaamd VIEWFAX, wat ek ook verniet afgelaai het)  As jy jou boot se posisie, koers en spoed op VIEWFAX insit, gee hy jou ‘n mooi voorspelling van die weer wat jy gaan kry.
Dit werk nogal regtig goed.

As jy meer wil weet, sou ek voorstel jy google dit gewoon.
Die ou by wie ek my goed gekoop het se naam is Morné, en hy’t ‘n klein besigheidjie wat hy noem zippisat. (info@zippisat.com)  (dis soos ‘n ‘broker’ vir satelliet fone, dink ek)